02
08.2017

[高質沙灘] 配套充足好方便@淺水灣

環球旅遊   親子育兒(旅遊)  

莎拉真係覺得香港既夏天,一年比一年熱,冬天既日子愈來愈短了,所以夏天熱辣辣既日子,莎拉既腦海常常出現「沙灘」呢個字呢!而今個夏天,莎拉就最鐘意去淺水灣喔,點解呢,睇吓佢既好處啦! 

1)地點交通方便,莎拉係九龍人,所以搭地鐵去到香港站就可以轉970巴士,呢架係express專線,所以唔駛30分鐘就到達淺水灣,除了有巴士出中環,仲可以搭小巴去銅鑼灣添,游完水約朋友食飯都無問題!


2)去沙灘最好就一定要有地方可以買食物飲品作補給,而好多政府既沙灘都只有一間小食亭賣吓雞脾汽水,選擇非常少,而淺水就唔同啦,因為係遊客區,所以除了有小食亭,仲有一個商場,有多間餐廳之外,埋面仲有間超級市場. 如果想唔行咁遠,沙灘中心既後方有pizza hut 及7-11, 所以係淺水灣一定唔怕餓親呀! 去沙灘加Sushi都無難度呀.

3)人流合理,夏天既沙灘就一定人多,試問有邊個沙灘係無人呢?莎拉之前去過清水灣二灘,真係人多到怕怕,絕對係人群貼人群,晒太陽時隔離瞓個唔識既,真係好無引!而淺水灣因爲海岸線長,加上游水既人係比較少,所以絕對不會出現人貼人既情況!

仲有呀,淺水灣有好多外國人嚟游水晒太陽,人既質素相對比較好,但係因為係遊客景點,所以同時有好多一團團既內地遊客係沙灘影相,所以如果想避開佢地,只要遠離停車場那邊既沙灘就可以了! 

4)平時去沙灘玩完最怕就係沖涼時要大排長龍都不特只, 仲要個花灑沖無力呀, 所以沖身設施及洗手間都係一個好重要因素, 大家都知啦, 帶小朋友去沙灘玩, 除咗同小朋友沖涼之外, 真係玩具都有排沖啦, 平時去石澳, 沖涼係要等架, 而淺水灣呢度就完全無呢個問題啦, 因為可能人流較少, 所以沖涼既地方又大又多, 重要係好乾淨呢. 就算係洗手間及更衣室都係好乾淨呢, 呢一點真係好難得呀. 

5) 玩咗成日水, 沖完個靚涼後, 肚餓想食飯就一啲都無難道, 西式, 日式, 中式樣樣齊, 唔洗出返市區都有飯開呀. 而呢一排既餐廳風格都好西式, Open bar, 所以坐係度飲番杯啤酒都好chill架.

6) 如果小朋友未放晒啲電, 唔駛擔心, 因為沙灘邊有啲小朋友玩樂設施, 未玩夠仲可以再玩架, 所以呢, 每次嚟淺水灣, 陶寶b都可以盡情放電, 勁開心架. 

 

 

 

 

發表於2017.8.02
留言(0)
博客名稱 :
莎拉蛋糕
網誌名稱:
莎拉蛋糕
使用天數:2,000
性別:
按月份瀏覽
    2019
  • 一月
  • 二月
  • 三月
  • 四月
  • 五月
  • 六月
    2018
  • 一月
  • 二月
  • 三月
  • 四月
  • 五月
  • 六月
  • 七月
  • 八月
  • 九月
  • 十月
  • 十一月
  • 十二月
>> 更多
系統分類
  • 飲食烹飪
  • 環球旅遊
  • 親子育兒
  • 數碼科技
  • 生活品味
  • 電影戲劇
  • 戀愛心情
自行分類
最新留言