博客名稱 ：
雀后
網誌名稱：
雀后 ~歡迎!歡迎蒞臨朱家天地!
09
08.2018
08.2018
鮑汁花生雞腳
飲食烹飪(食譜)
今日清理雪櫃時，
俾我摷到有支鮑魚汁係度，
見到就令我諗起鮑汁花生雞腳喇!
去親茶樓飲茶時，
我哋都會叫鮑汁花生雞腳嚟食，
但每次都係份量少少價錢多多呀!
唯有自己煮先會慳好多架!
材料: 25隻急凍雞腳、花生$5、薑2片、紹酒少許、蔥絲、生粉水
調味: 鮑魚汁3湯匙、蠔油2湯匙、豉油1湯匙、老抽1.5湯匙、
冰糖1湯匙
做法: 燒熱水，落雞腳和紹酒1湯匙先出水5分鐘，
瀝乾水份後剪甲備用；
花生浸30分鐘後撈起；將花生、薑片、調味和5碗水放入鍋內，
用中小火炆45分鐘；落埋雞腳煮滾後，
再轉番最小火慢慢煮1小時左右，
落少少生粉水埋芡汁，熄火後唔好開蓋繼續焗半小時以上，
食時加上蔥絲裝飾便成。
~煲雞腳時，只要用小火慢慢炆煮，咁雞腳就唔會甩哂D皮架啦!
~炆雞腳其間可以打開少少蓋，等烹調溫度唔使太高呀!
大家可以入嚟Facebook讚下我新開嘅Fans專頁呀!
發表於2018.8.09
雀后 | 留言: 0