23
09.2020

裝修名人堂 Felix 豐厚經驗年輕團隊 把「改造」概念帶入香港裝修

生活品味   其他  
裝修名人堂 Felix 豐厚經驗年輕團隊 把「改造」概念帶入香港裝修

「我哋讀書出身,唔係紅褲仔出身,咁耐以嚟可能拎筆多過槌仔。」裝修工程包含的範圍甚廣,師傅真實施工之外,Felix正正負責其他層面,就是細緻的管理,掌控大局。

溫文的Felix讀土木工程出身,畢業後投身設計公司學習如何掌控一個project。「要去見客啦,要同佢傾設計,傾好之後再要同我哋師傅溝通,呢個渠道好緊要,溝通完之後就去到買物料,現場度尺,出施工圖,就開始啲好仔細嘅工作嘢,然後成個project中間事無大小自己都要去跟,到後期accounting嘅嘢,都要去做。」

裝修分工要清晰 宏觀控制大局

Felix時常提醒角色分工要清楚,而他的角色是要抽離,更宏觀去看一件事。「我盡量唔落手做。以前有試過有一個地盤趕時間,自己都幫下師傅手,慢慢就發覺唔得嘅,係要退後少少去睇,『要宏觀啲去做一個控制嘅角色』,如果唔係太沈醉係一個project入面,其他就會甩。」

管理要樣樣識 成為客人與師傅與工程的渠道

作為裝修工程公司的老闆,他覺得有四個必要條件。「所以工藝交俾自己信任得過嘅師傅,然後對裝修技藝唔洗精但要樣樣都要識。特別我哋做呢行,一,設計上你要有啲sense ,二,實戰果方面,施工流程你要熟,呢個係最基本啦。」

「三,對師傅方面,要抓到師傅講嘢個tone,諗方法令佢聽你講。四,要有對客嘅技巧,有啲客會要求多啲,有啲客會話冇所謂,所以要有一個技巧去捉到佢想要乜。」管理裝修工程的人,正正是客人與師傅與工程之間的渠道。

觀察入微 透徹了解客人心裡所需

客人面對第一次的裝修,非常多的不了解,也並不是每位也懂得表達,而Felix其中一項工作就是透過觀察入微的能力,把客人所追求的具體化。「例如我哋上佢屋企或者office同佢傾嘅時候,會好留意佢而家周圍嘅環境,係咩設計。例如佢而家單位以黑白為主喎,我哋就會同佢由呢個方面去慢慢同佢溝通,跟返佢本身喜好,或者佢用緊嘅事物去慢慢入到佢想要乜。」

「有時啲客都未必清晰知道自己想要乜,或者唔識講,只係講到想要黑白灰,但其實黑白灰都有好多種玩法,咁就要從生活入手開始,顏色物料生活用品等等,全部都可以搵到客人嘅偏好。」

豐厚經驗的年輕團隊 把「改造」概念帶入香港

在Felix的細心管理之下,他的背後團隊普遍是年輕人,有幹勁力量使他為自己公司自豪。雖然不少人覺得年輕人不夠老練,經驗不足,但Felix卻認為自己的團隊有實力證明。「如果我哋太後生冇乜信心俾人,其實我哋同好多大機構合作,我哋做嘅銀碼未必有其他公司咁大,但我哋有信用所以同大機構合作,證明我哋有能力被信託,就可以俾多啲信心個客,呢兩個優點係互補㗎。」

而且,年輕的好處是肯學肯做,包括Felix。「有間公司要係香港開showroom,佢哋邀請咗台灣設計師設計,我哋就施工。係個非常有趣嘅兩地合作,台灣設計嘅sense同香港好唔同,例如佢哋會好捨得用好多雲石做office,燈光設計上都好花心思,可能每一個角落頭都用啲好靚嘅射燈。」

Felix學以致用,把台灣設計元素和心得引用到現在的設計中,大受客戶歡迎。「自從嗰經驗,之後嘅job都係希望啲客係『改造』而唔係『翻新』,即使budget有限,我哋都會同佢諗一個計劃,可以『改造』間office,帶新鮮嘅風氣同環境入去。」

熱愛由零開始為客人成就工程

從管理別人公司的project到現在有自己的裝修設計公司,自己去掌握整個project,他跟很多師傅一樣,享受工程完成的成功感。問到他喜歡哪種裝修工程,他答道:「係兩種不同喜悅,做商場做博物館,可以好自豪同人講呢個橦我有份做㗎。做家裝見到客人開心嘅表情你又會好滿足。」

「我鍾意做呢行,就樣樣都喜歡。可以由零開始去build up到一樣嘢出嚟,其他工種好少可以有咁大成功感。」

想裝修屋企/維修家居?登記「裝修佬」免費裝修報價,24小時內專人回覆,為你推介最適合你的裝修公司。
 
發表於2020.9.23
留言(0)
博客名稱 :
裝修佬
網誌名稱:
hkdecoman's blog
使用天數:272
電郵:dejay_wong@hkdecoman.com
按月份瀏覽
    2020
  • 一月
  • 二月
  • 三月
  • 四月
  • 五月
  • 六月
  • 七月
  • 八月
  • 九月
  • 十月
>> 更多
系統分類
  • 數碼科技
  • 生活品味
  • 其他
  • 財經生活