14
07.2013

又來親子buffet @ The Cafe (Sheraton)

媽媽依期真係瘋狂迷上食buffet添!! 無他, 食buffet選擇多夠開心, BB都可以一齊enjoy, 而且近日天氣炎熱, 我盡揀一D有好味雪糕任食的buffet, 感覺真係超爽呢 
  

 
繼七一先於Gateway酒店的Three on Canton食完tea buffet, 隔了唔夠一星期, 週日返完教會+練完詩, 一家四口又去了Sheraton的The Cafe食Tea buffet了! 
 
又係先報個價, 依度Tea buffet 3:00pm - 5:30pm時段比較長, 收費$238/位, HSBC白金卡有85折, 普通卡都有88折, 最近在恆生四送一優惠 (免費個位都要收加一), 精明媽媽梗係約足腳一齊去! 
  
 
 
一早致電訂了4大1細, 店方好細心安排了依張超大檯俾我地, 坐得好舒服丫~~ 不過冷氣都幾凍!
 

  
雖然平D而且時段長D, 但食物種類同Three on Canton無得比, 只係一個正常Tea buffet內容, 好在水準唔錯~~ 其實依度唔俾影食物, 但媽媽都偷雞影了唔少, 首先係任飲的mango lassi, 後來轉成橙汁!
  

 
刺身同壽司吧, 內容都幾新鮮, 早段時間好多人超受歡迎架, 後來就轉哂去雪糕部~~ 
 
 
 
之後有數款沙律 (冇影!!), 同依堆三文治小吃, 佢地賣相麻麻不過味道幾好的~~ 
 
 
 
更多的冷盤, 另一邊仲有自助沙律吧同日式冷麵拎, 不過又係冇影~~~
 
 '
我承認我對甜品特別偏心, 來到依個冷盤櫃, 因有朱古力慕絲杯同木槺布丁, 就記得影啦!! 
  

   
對媽媽來講, 依個area就係成個buffet的精華啦!! 除了有好好味的USA Chocolate Froyo , 仲有新鮮製作、不斷焗起的葡撻、scone同waffle, 以及自選toppings同醬汁, 好鬼正! 
  

  
我其好like食scone (一定要勁搽clotted cream同jam!!), 以前未有BB就去high tea, 依家有了Matthew就去食tea buffet, 一樣滿足開心! 依度的scone好好食, 另外waffle同葡撻都好味呢 
 

  
仲有六款HD的雪糕添, 我影到out-focus左, 總之口味包括Belgian Chocolate (我的最愛!!)、士多啤梨、雲尼拿、檸檬雪葩 (老公至愛!)、紅莓雪葩同芒果味~~ 正! 
  

  
甜品環節都幾豐富, 味道仲唔錯添, 包括綠茶芝士餅、泡芙山... (中間係custard又係好o岩Matthew!)
 

  
黑森林都幾有水準, 另一款士多啤梨mousse夾心海綿蛋糕就一般啦~~~
 

 
依款士多啤梨cake真係冇試啦... 另一邊的朱古力truffle cake都好味喎, 夠哂濃郁~~~ 
 

 
仲有Tiramisu, 以及芒果拿破侖, 後者好好味架, 俾人KO完後就轉成了士多啤梨拿破侖, 都唔錯! 
 

 
仲有生果碟、棉花糖, 及3款口味macarons任食!! 另外backgroud的水果都係任拎~~
 
 
 
仲未完, 另一邊仲有更多生果, 以及曲奇、朱古力任拎任食!! 
 

  
好大粒、好靚仲好甜的車厘子, 我勁食!! 老公大愛的霧蓮都有得拎, 真開心~~~ 
    

  
士多啤梨又係超大粒而且好甜, like爆!!  同場又有媽媽食buffet的打底至寶----火龍果, 仲要好甜添, 馬上拎了大量返去食~~~ 
  

  
天啊, 仲有好健康的木瓜, 同埋清熱的龍眼添~~ 仲未計其他原個生果, 咁o既陣容, 淨係食生果都飽左一半囉!! 
  

 
之後依個area最呃錢, 因為只係得麵包, 根本上無人會來幫襯~~~
 

 
依度的熱盤當然不及Three on Canton豐富啦, 好在味道都唔錯, 間中仲會轉下款添~~~
 

 

 
我影得好衰, 但其實蝦多士好好食的.... 後面仲有pizza拎添~~~
 

 
幾欣賞佢tea buffet都有菜食, 健康好多, 媽媽都前後幫襯了3-4 round之多!!
 

 
最後要影下依個雲吞麵檔, 因為後來一試, 水準好得!! 
 
  
食物介紹完畢, 當媽媽再次返到座位時, 為食Matthew已經好狼咁咬緊grissini了~~~ 
 

  
好, 我都唔客氣啦!! 第一碟先來超繽紛又精美的生果碟, 真係健康、美味、開心又滿足呀!! 
  
  
依碟專門俾Matthew的, 內容及反應分別係: 菠菜酥 (佢好like!)、pizza (ok)、魚柳 (好like!)、吞拿魚包 (ok)、葡撻 (唔like, 估唔到!! 其實幾好食的)、綠茶芝士餅 (幾like) 同芒果拿破侖 (ok) 
 

 
有好味野食, 為食豬零舍hyper, 表情動作多多呢~~~~ 
 

  

 
由爸爸率先試試刺生質素, 都唔錯喎, 媽媽可以放心去拎了~~~ 另外Matthew都好like食壽司呢! 
  
 
媽媽的第2碟, 食了唔少刺身, 果然新鮮好味!! 背後的三文魚醬、乳酪醬搽脆多士都好味, 仲有健康雞心豆沙律, 芝士蕃茄火腿香草包, 以及沙律菜, 內容都頗為健康架~~ 
 

  
同時忍不住拎了朱古力Froyo同Matthew一齊分享, 為食豬好鍾意食呢!!  不過場內較凍, 唔敢俾佢食太多啦~~
 

 
好耐冇食過布冧, 當日見到有又拎了返來, 仲俾埋Matthew試~~~
  

 
但好明顯依個布冧係酸的!! 個酸樣同食檸檬有得揮呀~~~~ 
 

 
好啦, 拎返一D甜品俾Matthew嘆啦~~ BB可以食咁多野, 真係好開心丫!! 
 

 
Matthew好明顯知道依碟屬於自己, 媽媽都未影好相, 小魔手就出現喇...........
 

  
碟野當然冇可能全係Matthew食, 其實媽媽食得仲多過佢, 當中最鍾意拿破侖同泡芙山~~~
 
對於為食豬來講, 全碟最吸引除了macaron (冇錯, Matthew好like食macaron的), 就係棉花糖, 當日玩了超耐呢, 媽媽仲拍埋片, 片尾BB一句「哎呀」, 搞鬼不得了!! 
  
   
之後, 爸爸開始向熱盤進攻啦~~~~
 

 
媽媽都係~~~ 除了蝦多士要讚, 印度烤雞都好正, 長通粉又有口感, 仲有燒西冷都唔錯呢! 
 

 
又係爸爸的, 今次佢明顯放慢了腳步吃, 希望唔會好似七一時咁快食滯!! 
 

 
又係我的, 依round試了中湯, 好鮮甜但應該有加味精; 炸海鮮袋, 香脆可口好味; 菠菜酥, 果然好食, 難怪Matthew咁鍾意; 荷葉海鮮飯, 唔算太香咋; 炸魷魚圈, OK; 雜菜, 係清腸胃的綠葉呀!
 

 
開始飽飽地, 忍不住向甜品進攻了~~~ 
 
拎了至愛的Haagen Dazs三色經典雪糕, 加上蜜糖脆脆同朱古力碎特別好味; 仲有新鮮熱暖的scone, 搽上clotted cream同jam超好食!! 另外朱古力truffle cake同黑森林都唔錯架 
 

 
老公拎了淨雲吞加辣, 大讚好好味, 搞到我都馬上出去再拎一兜~~~~
 

 
Hehe, 順便拎埋新出的沙嗲, 並encore了更多的西冷同雜菜, 當然少不了辣辣雲吞, 真係幾正架, yummy~~~ 
 

 
老公真係壽司迷, 最後再encore多三件, 其中一件腐皮俾Matthew食了~~~ 
 

 
老公的Haagen Dazs雪糕, 內容必定包括lemon sorbet, 不過今次冇俾Matthew食添!
 

 
唔緊要, Matthew又拎了杯朱古力慕絲, 玩+食得好開心啦~~~
 
 
仲食埋好好味的cone添!!
 

 
又輪到大食媽媽出動, 再掃下三大球Haagen Dazs, 新鮮熱暖又鬆化的waffle (襯雪糕食一流!!), 以及更多的甜品同水果~~ 食完依兜好飽好飽添!  
 

 
爸爸都臨尾發力, 再要多碗辣雲吞走湯 ---> 咦, 即係港版的紅油抄手??? 個伴碟仲好靚但完全無黎啦更添!! 
 

 
一家四口同友人都食到好飽了, 最後係餐飲時間~~ 友人有做足功課, 見OR上好多人讚熱檸蜜有原盅蜜糖上, 就醒目點了檸蜜, 又幾吸引喎!! 
 

 
搵了老公幫手代點, 結果佢幫我點左平平無奇熱檸茶咋... 唯有自己加粒朱古力去開心下~~
  

 
佢自己就要了Cappuccino, 又加在buffet中拎粒朱古力來襯托下先~~ 
 

 
我依個為食孕媽媽實在非常唔忍得口, 最後再拎多round朱古力froyo, 仲要一時失手吱左超級大杯!! 好過份但係又好滿足, hehe~~~ 
 

  
用恆生卡享用四送一優惠後, 埋單總共$812.2, 除開人均只約$200, 好抵食呢!!  當然如果想要種類繁多, 都係去返Three on Canton啦~~~
 

  
最後同Matthew睇埋魚魚, 又係時間返屋企昏睡, 因食太飽超眼訓...!!  然後翌晚又黎過!!
發表於2013.7.14
留言(13)
  • 羅車車
    睇到勁流口水可惜我呢個月要閉關因為要留肚迎接8月生日月下個月要勁食呀,Matthew仔隻小手指好嘟嘟呀Q爆
    14/07/2013
  • Viviana
    媽媽食力強勢回歸喇,勁?? BB 豬咀好cute 呀???
    14/07/2013
  • 水太太
    折左之後真係好抵呢﹗
    14/07/2013
  • Oli
    tea都咁多野食? 我上次食dinner都差唔多咋喎,不過就貴好多呢
    15/07/2013
  • Ophelia
    真係好正呀,又抵食
    15/07/2013
  • ACTIVE DRAWING上門教畫
    ACTIVE DRAWING 2013年7月14日上午6:57 暑期畫畫班現正招生!專人上門教畫畫,課程包括:油彩,塑膠彩,水彩,素描,漫畫系DSE作品集班。自我介紹:你好,我是MISS TANG,本人具三年教畫經驗,現是半職兒童畫導師,學生年齡由3歲-12歲不等,十分喜歡跟小朋友相處,以畫畫發展他們的想像友和創造力,從畫中可得知他們天馬行空的內心世界。另外,本人於舊制會考視覺藝術科中取得A級成績,深明視覺藝術科的精髓主要在於佔50%的作品集,故現加開DSE作品集班,請火速報名。一般收費:約$100一堂,1小時。DSE作品集班:約$120一堂,1.5小時。2人同行,可獲8折優惠。(價錢會因居住地點遠近而調整,地點於東鐵線上水至紅磡為佳。)※※※保証100%由孩子親自繪畫!※※※如有興趣,可於本人的BLOG PM本人;)
    15/07/2013
  • Emily
    Tea buffet呢個價位, 仲有魚生食, 好抵喎~ 真係同dinner無分別喎~有無攪錯吖~
    15/07/2013
  • 80' 後媽咪遇上 10' 後 baby
    我最近都PLAN 梗食TEA BUFFET 想問問你, 你覺得Three on Canton 好D 定THE CAFE 好D呀???
    15/07/2013
  • Mandy 文迪
    雖然係tea buffet但都好多野食, 要介紹比同事朋友先
    15/07/2013
  • Mrs. Wu
    你真係係咁食buffet喎,雖然而家係可以放肆地食,都吾駛食得咁盡
    16/07/2013
  • 田鼠b
    啲士多啤梨好靚!
    16/07/2013
  • 妹豬
    睇Matthew個樣,可以想像到啲布冧有幾酸
    16/07/2013
  • Cyclamen
    我們上次去(五月左右)無咁多野食呀!
    17/07/2013
博客名稱 :
甜魔媽媽Yan
網誌名稱:
甜魔媽媽小天地
使用天數:2,102
性別:
按月份瀏覽
    2019
  • 一月
  • 二月
  • 三月
  • 四月
  • 五月
  • 六月
  • 七月
  • 八月
    2018
  • 一月
  • 二月
  • 三月
  • 四月
  • 五月
  • 六月
  • 七月
  • 八月
  • 九月
  • 十月
  • 十一月
  • 十二月
>> 更多
系統分類
  • 美容時尚
  • 飲食烹飪
  • 環球旅遊
  • 親子育兒
  • 數碼科技
  • 生活品味
  • 藝文創作
  • 電影戲劇
  • 寵物日誌
  • 戀愛心情
  • 文化政經
  • 其他
  • 財經生活
  • 台灣館
自行分類
最新留言