15
07.2013

綠茵閣 Garden Cafe ~ 熱浪大作戰!!!

近期真的與buffet超有緣呢, 星期日才一家四口在Sheraton吃完親子buffet, 週一又同FHY及文迪來到北角綠茵閣 Garden Cafe, 來了一場熱浪大作戰, 而且吃得超盡興超開心!! 
 

 
媽媽沒有吹水啊, 最近餐廳真的在做沙灘派對BBQ主題buffet, 不只是食物選擇消暑清涼, 琳瑯吸引; 連餐廳佈置也充滿沙灘風情, 令人一來到就心情亢奮, 童心大發!! 
   

 

 
邊欣賞場內佈置的同時, 等媽媽介紹一下豐富的buffet陣容吧, 首先是橙汁、lemonade, 以及兩款夏日特飲任飲, 當中包括含輕微酒精的海藍月亮Cocktail, 非常抵啊~~~ 
 

 
還有更多的汽水任君選擇, 感覺真的幾似在沙灘開P呢~~~ 
 

 
為了配合主題, 又有一個刨冰station, 好玩又冰涼, 真係令人開心!! 
 
 
不過對於媽媽來講, 最令人心頭亂跳、激動尖叫還是這個雪糕櫃啊!!  裡面有20款Movenpick及Haagen Dazs的雪糕口味任揀任食, 公關講自己來吃了多次仍未試勻啊.....
  

 
Movenpick口味包括坊間少見的Yogurt、panna cotta、creme brulee、hazelnut、maple walnut等, HD杯裝雖然美味, 但擺在一起就被比下去了~~  對了, 背後還有即焗脆杯及pancake!
  

 
更多沙灘主題的童話甜品區, 媽媽見到都開心不得了, 相信小朋友見到更加開心到暈~~~~ 
 

  
除了不同造型的蛋糕同啫喱, 又有椰子椰果壽司、班蘭蛋糕、立體蝴蝶造型macaron、好好味的banofie pie、巨大O咀八爪魚啫喱、木槺布甸船等, 無論大人細路都一定搵到心水選擇! 
  

 
甜品與甜品之間仲擺滿了細沙、石仔及沙灘玩具, 真係好繽紛令人開心呀~~ 
 

 
咁多創意甜品中, 媽媽最鍾意除了雪條棒, 仲有士多啤梨人, 因為每粒都有少少唔同, 超別致~~ 
  

 
仲未完, 另一邊仲有一個甜品櫃, 裡面有更多選擇~~ 要全部試哂都唔野少架!!
 

 
另外其他的甜品陣容也不弱的, 如睇到都開心的chocolate dipped strawberry, 朱古力噴泉.... 
  

   
 
 
仲有CEO大讚好食的綠茶包、麵包布甸、芒果芋絲網卷, 同waffle等!!!
 

 
生果的選擇都唔少, 除了夏日必食的消暑西瓜同清甜菠蘿, 仲有媽媽至愛的打底之寶---火龍果!! 
 

 
來到原桶豆腐花本來都好吸引, 但邊可能食得落呀??? 
  
 
終於介紹完飲品、冰品同甜品, 然後輪到冷盤, 原來都好豐富架, 首先係芝士 (好好味!!) 同沙律~~~
 

 
當然唔會少得港人大愛的海鮮啦! 選擇包括藍青口、凍蝦、大蝦、阿拉斯蟹腳同蜆等~~~
  

 
不過海鮮吧一泊埋刺生壽司吧, 就相形見拙啦, 因為依度的刺生同壽司都非常之出色!! 
  
 
 
另一邊仲有更多精緻又好味的spoon food, 以及健康自助沙律吧~~~
 

 
仲有巴馬火腿配蜜瓜, 以及更多cold cuts, 可謂應有盡有呢!!
 

 
最後睇下熱盤, 場內除了即席燒西冷及羊脾, 仲有好多款頗為吸引的熱盤如牛仔骨、紅酒鴨胸...
   

 
仲有蒸魚、印尼炒飯、象拔蚌炒時蔬 (菜是重點!!)、參巴茄子, 以及咖哩海鮮等~~~~
 

 

 
最後仲有燒味 (據講係由一星中菜廳---, 所出品架), 以及雜錦天婦羅~~~
 

 
不過熱盤中最吸引都要數源源不絕供應的燒烤吧, 除了內容超級多元化, 仲有9款醬汁選擇添!!
 

 
雖然每款試少少已經超飽, 但千祈唔好錯過即煮粉麵特別係喇沙, 因為味道實在係ichiban! 
  
 
仲有麵包、餐湯同粥仔.... 睇到依度媽媽又好想帶Matthew來吃啦~~~~ 
  
 
場內環境都唔錯, 坐得好舒服, 當晚見到唔少家長都帶埋小朋友一齊黎開心開餐!! 
 

 
首先品嚐下buffet特飲, 由前至後分別係Lemonade、海藍月亮 (含酒精) 及 夏威夷陽光 (不含酒精), 全部都好吸引! 媽媽只飲了清新開胃的lemonade, 聽CEO講cocktail係堅得的!  
 

 
媽媽已經習慣第一碟先吃生果, 當中火龍果必定係主打!! 不過今晚貪心加了巴馬火腿襯蜜瓜、親子三文魚配cream cheese卷, 最後加上趣緻的士多啤梨人, 份外豐富又可愛! 
  

 
劉總的第一碟就來甜的, 結果證明咁樣真係好快就飽漏左!!  (不過咁, 同行的Chocolate Muimui都係先食甜品, 不過佢之後仍然橫掃咸的、甜的, 全無難度呢!!!! )
  

 
媽媽第2碟仍然係比較light而且健康, 包括蜜桃大蝦沙律、西梅、紅腰豆、煙三文魚、自選沙律菜, 以及三款芝士~~ 要讚當中有Apricot & Almond個款芝士超好味, 既香又甜可媲芝士餅! 
  

 
之後試了富有泰式風情的香芒蟹肉米紙卷, 以及拎了栗米羹來暖一暖胃, 因為準備主食環節了!!
 

 
公關安排壽司吧製作了一份豪華壽司併盤俾我地, 媽媽大概揀了4-5款來試, 全部都好味啊!! 
 
 
之後我的第四碟係咁的... 點解???? 
 

 
因為要迎接豪華燒烤併盤啊!!  媽媽馬上新鮮試了燒帶子、燒牛柳片、燒虎蝦, 全部都唔錯呢~~
 
 
但其實buffet仲有每位牛油汁煎大蝦, 蝦隻既巨大又鮮爽, 以牛油汁煎到香口惹味, 又係好吸引!! 
 

  
由於意猶未盡, 又出去拎了更多的燒烤食物如燒雞翼、燒三文魚、燒羊架, 以及更多熱盤如牛仔骨、西冷同羊脾..... 食完依round個咸胃都飽飽地了~~~ 
  

 
雖然飽飽地, 但聽到Muimui同Saii都大讚帶子好鮮甜好得, 零節制力的媽媽又忍不住出去拎了三文魚配帶子... 原來真係好鮮甜好得, 難怪之前見到Muimui係一打又一打咁成!! 
  

  
CEO同文迪拎了喇沙, 成品夠香辣好好味, 如非要留肚俾雪糕我都會整兜呢!! 
 
 
燈燈燈櫈!!! 媽媽最為期待的豪華雪糕併盤上檯啦, 嘩, 真係睇到都心花放呀~~ 
  
見到心愛的口味, 我起初忍不住成球拎, 但俾劉總教訓了....  所以減為Swiss Chocolate, Panna Cotta, Hazelnut, Maple Walnut, Espresso, Creme Brulee, Yogurt, Tiramius, Caramel各拎半球!
  

 
Movenpick的雪糕充滿奶香, 質感又超細滑, 真係超超超好味, 結果HD好慘冇人理呢.......
 

 
由於Movenpick實在太好味, Chocolate Muimui咁樣的組合總共掃了4兜之多, 非常誇張!! 
 

  
媽媽冇咁堅, 但繼豪華雪糕併盤, 亦再添食了4球Movenpick (當然又是最愛的Swiss Chocolate, Caramel, 加上Hazelnut及Creme Brulee), 加上waffle、麵包布甸及朱古力噴泉, 好豐富! 
 

 
公關還準備了刨冰給大家, 在炎炎夏日吃一口真是涼透心啊, 可在強勢movenpick下又是滯銷了~
 

 
哎呀, 媽媽太無節制力了, 最後還添食多兩球Swiss Choco及Caramel... 及Banofie!! 
   

 
超滿足的一晚, 而知道價錢時更加全檯驚呆 --- 週一至四的夜晚buffet只收$418/位 (小童/長者$298), 還有75折; 週五至日及公眾假期是$448/位 (小童$318), 另有8折優惠, 太超值了吧?! 
    
平日不用$360竟可這樣豐富一頓, 住在港島區的buffet迷, 還不趕快來個熱浪大作戰?! 
發表於2013.7.15
留言(11)
  • 羅車車
    救命太誘人喇
    15/07/2013
  • Oli
    第一張就見到咁多球雪糕,引C人啦
    15/07/2013
  • Viviana
    嘩,好豐富,好吸引呀,尤其D甜品雪糕,哈哈??
    15/07/2013
  • Mandy 文迪
    充滿夏日熱浪feel, 主題吸引, 實在太多款movenpick
    15/07/2013
  • Mrs. Wu
    嘩嘩嘩,真係好夏日feel呀! 我都好想食呀!!
    16/07/2013
  • 果占苗 ~ Jamel
    盤雪糕好靚呀
    16/07/2013
  • 華娃娃
    city garden hotel, right?
    16/07/2013
  • 田鼠b
    啫喱擺到好似八爪魚咁, 好搞笑. 燒烤併盤引死人呀!
    16/07/2013
  • 妹豬
    啲蛋糕好靚呀~~~~~~~~
    16/07/2013
  • 愚太
    睇完都想試
    17/07/2013
  • Ophelia
    好夏天feel好中意呀
    18/07/2013
博客名稱 :
甜魔媽媽Yan
網誌名稱:
甜魔媽媽小天地
使用天數:2,100
性別:
按月份瀏覽
    2019
  • 一月
  • 二月
  • 三月
  • 四月
  • 五月
  • 六月
  • 七月
  • 八月
    2018
  • 一月
  • 二月
  • 三月
  • 四月
  • 五月
  • 六月
  • 七月
  • 八月
  • 九月
  • 十月
  • 十一月
  • 十二月
>> 更多
系統分類
  • 美容時尚
  • 飲食烹飪
  • 環球旅遊
  • 親子育兒
  • 數碼科技
  • 生活品味
  • 藝文創作
  • 電影戲劇
  • 寵物日誌
  • 戀愛心情
  • 文化政經
  • 其他
  • 財經生活
  • 台灣館
自行分類
最新留言